容許自己放空。
容許自己食車仔麵嗌多個餸。
容許自己偶爾食重口味宵夜，並且接受自己第朝喺鏡內口腫面腫嘅樣子。
容許自己喺其他人講是非嘅時候唔加把嘴。
容許自己放假瞓到日上三竿，喺床上面煲劇，全日淨刷一次牙。
容許自己偶爾手殘，跌爛化妝品而唔怪責自己。
容許自己還會睇卡通片睇到喊。
容許自己跟隨內心，買冇特價嗰款。
容許自己勇敢和軟弱。
容許自己不想洗頭就不洗頭。
容許自己禮貌而堅定地回應推銷電話。
容許自己不批判，對象包括自己。
容許自己墮入愛河，然後Move on。
容許自己全日唔上Social media。
容許自己手賤吱黑頭，就算事後瘀咗一撻都唔怪責自己。
容許自己仁慈，就算咁樣唔係最聰明嘅選擇。
容許自己爽快說好；
容許自己堅決說不；
容許自己猶疑。
容許自己增磅而唔討厭自己。
容許自己食精緻美食前唔影相。
容許自己偶爾說錯話。
容許自己唔化妝唔戴con出門。
容許自己獨來獨往；
容許自己結交新朋友。
容許自己傷心，甚至不需要原因地大哭一場。
容許自己快樂，因為世上就只有你一個有能力同義務能令自己快樂了。
IG: sis3ter
Search